Այսօր «Մոսկվա» կինոթատրոնում կայացավ ռեժիսոր Մարինե Զաքարյանի` Վիլյամ Սարոյանի պատմվածքի մոտիվներով նկարահանած «Փասիանի որսորդը» ֆիլմի պրեմիերան: Այն հանդիսատեսը ջերմ ընդունեց:
«Պարալլելս Ֆիլմ» ընկերության հիմնադիր տնօրեն եւ «Փասիանի որսորդը» ֆիլմի պրոդյուսեր Հովհաննես Գալստյանը շնորհակալություն հայտնելով ստեղծագործական անձնակազմին՝ շեշտեց, որ առաջին անգամ է նման փոքր կինոխմբի հանդիպում:
Ի դեպ ֆիլմը նկարվել է փոքր բյուջեով՝ 2մլն դրամ եւ սահմանափակ տեխնիկական միջոցներով ու սեղմ ժամկետում, սակայն դա որակի հաշվին չի արվել: Հետաքրքրությունը ֆիլմի հանդեպ այնքան մեծ էր, որ այն ցուցադրվեց երկու սեանսով:
«Փասիանի որսորդը» կինոնկարի օպերատորն է Միհրան Ստեփանյանը, կոմպոզիտորը` Լիլիթ Նավասարդյանը, հնչունային ռեժիսորը` Լևոն Նավասարդյանը: Ֆիլմում նկարահանվել են Սամվել Վարդանյանը , Անի Գալստյանը, Աշոտ Ադամյանը, Նարինե Գրիգորյանը, Կարեն և Սոս Ջանիբեկյանները:
Կարդացեք նաև
Սիրված դերասան Աշոտ Ադամյանը նշեց, որ ֆիլմի երիտասարդ հերոսին մարմնավորած Սամվելն այժմ ծառայում է բանակում, եւ «դիրքերից» զանգել ու շնորհավորել է բոլորին՝ պրեմիերայի առիթով:
Հովհաննես Գալստյանն էլ կատակեց. «Որսորդին կրակել սովորեցրինք, որ բանակ գնա»: Նա հավելեց, որ կինոարտադրողները կինոթատրոնին որպես տաճար են վերաբերվում եւ երջանիկ են հանդիսատեսին հանդիպել տաճարում:
Գոհար ՀԱԿՈԲՅԱՆ
