Լրահոս
Օրվա լրահոսը

«Լրագրողների մուտքին փոքր-ինչ վերապահումով կմոտենայի». Դոյդոյանը՝ Քաղաքապետարանում միջադեպի մասին

Փետրվար 21,2018 15:04

«Աշխատասենյակը համարվում է տվյալ աշխատակցի անձնական տարածքը, որտեղ մուտք գործելուց եւ նկարահանում կատարելուց առաջ պետք է տեղեկացնել այդ անձին եւ ստանալ նրա համաձայնությունը»,-Aravot.am-ի հետ զրույցում անդրադառնալով Երեւանի քաղաքապետարանում օրերս լրագրողների աշխատանքի խոչընդոտման դեպքին՝ ասաց «Ինֆորմացիայի ազատության կենտրոնի» հիմնադիր-նախագահ Շուշան Դոյդոյանը:

Հիշեցնենք, որ փետրվարի 19-ին «Երկիր Ծիրանի» խմբակցության ղեկավար Զարուհի Փոստանջյանը լրագրողներին ներկայացրել էր Քաղաքապետարանի ծառայողական սենյակներում աշխատանքային ժամին որոշ անձանց՝ թղթախաղով զբաղվելու փաստը, ինչի ժամանակ էլ խոչընդոտվել էր լրագրողների աշխատանքը:

«Բայց միջանցքում, օրինակ, նկարահանում անելու թույլտվության խնդիր չկա, չէ՞ որ լրագրողները հավատարմագրված են»,-նկատեց Շուշան Դոյդոյանը: Նա միաժամանակ նշեց՝ անձնական տվյալներ կարող են հրապարակվել, եթե կա հանրային կարեւորության խնդիր:

«Եթե չեմ սխալվում, միջադեպը եղել է վարորդների սենյակում, այդ պատճառով լրագրողների մուտքին փոքր ինչ վերապահումով կմոտենայի, որովհետեւ խոսքը վարորդների՝ ազատ ժամանակ անցկացնելու մասին է: Բայց եթե լրագրողները գտնում են, որ հանրային նշանակության խնդիր կա, նրանք կարող են անձնական տվյալներ հրապարակել»,-ընդգծեց մեր զրուցակիցը:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2018
Երկ Երե Չոր Հնգ Ուրբ Շաբ Կիր
« Հուն   Մար »
 1234
567891011
12131415161718
19202122232425
262728