«ԿԻՍԱՏՆՏԵՍԱԿԱՆ» ՎԱՐԿԱԾ
Հետաքննության մարմիններից «Առավոտին» հաջողվեց պարզել, որ դեկտեմբերի 10-ին սպանված ՊՆ փոխնախարար Վահրամ Խորխոռունին ժամանակին «կռիշա է կանգնել» գործարար շրջանների մի շարք ներկայացուցիչների, ինչպես նաեւ, օգտագործելով իր պաշտոնական դիրքն ու հնարավորությունները, մի քանիսի տարած, բայց հետ չբերած փողերի հարցն է լուծել։
ՄԵՐ ՓԱՅ ՀԱՑՆ ԱՌԱՆ
Երեկ «Հայհացահատիկ» ԲԲԸ-ում կայացած ցորենի աճուրդին 57000 տոննա վաճառվող ցորենից 43000 տոննան 116,66 դոլարով գնեց «Միկա-Արմենիա» ընկերությունը։ 3 օրվա ընթացքում ընկերությունը պետք է մուծի 5 միլիոն 16 հազար դոլար։
Կարդացեք նաև
Մանրամասն էջ 5-ում։
ՈՒՐԻՇԻ ՁԵՌՔՈՎ
Ճիշտ է, սառեցված անդամությամբ, բայց այնուամենայնիվ դաշնակցական է կրթության եւ գիտության նախարար Լեւոն Մկրտչյանը։ Հետաքրքրվեցինք, թե արդյոք ունկնդիր լինելով ՀՅԴ Հայաստանի ԳՄ-ի կոչին՝ հունվարի 18-ին չի՞ վերցրել հեռախոսի ընկալուչը։ Նախարարի պատասխանն էր. «Շաբաթ օրը հեռախոսային բոլոր խոսակցություններս փորձել եմ վարել քարտուղարուհուս միջոցով, որը կուսակցության անդամ չէ»։
Լեւոն Մկրտչյանի հետ հարցազրույցը կարդացեք 4-րդ էջում։
ԴԺԲԱԽՏ ՊԱՏԱՀԱՐ
Շաբաթվա վերջին որսի ժամանակ սպանվել է ՀՀ բնապահպանության նախարարության որսորդական տեսչության պետ Սարգիս Մխիթարյանը։ Դեպքը տեղի է ունեցել Գեղարքունիքի հարակից տարածքներում կազմակերպված որսի ընթացքում։ Որսը հետեւել է այդ օրերին նախարար Գեւորգ Վարդանյանի գլխավորությամբ Գեղարքունիքի մարզում տեղի ունեցած խորհրդակցությանը, որին մասնակցել է նաեւ Սարգիս Մխիթարյանը։
