Արդյոք ԳիԱրՔՄի-ն քննարկե՞լ է խորհրդի անդամ Աղասի Արշակյանի առաջարկը ՔԽ-ից եւ «Արդարություն եւ միասնություն» համագործակցությունից դուրս գալու վերաբերյալ՝ «Առավոտի» այս հարցին ի պատասխան ԳիԱրՔՄի-ի նախագահ Ալեքսանդր Աղամալյանն ասաց. «Երկուշաբթի, խորհրդի նիստում ի շարս այլ հարցերի՝ քննարկվեց նաեւ այդ առաջարկը։ Բայց նման որոշում կայացնելը դեռեւս ժամանակավրեպ համարվեց»։
ՀՀՇ-Ի ԽՈՐՀՐԴԱԿԱՆԸ
«Սա Վանո Սիրադեղյանին էլ է պետք, ՀՀՇ-ին էլ, որ իր առաջնորդի վերաբերյալ կասկածները կամ վերանան, կամ էլ հաստատվեն, որից հետո ինքնամաքրում կսկսվի, եւ ՀՀՇ-ն կկարողանա լուրջ դեր ստանձնել քաղաքական գործընթացներում»,- «Առավոտի» հետ զրույցում ասաց տարածքային կառավարման փոխնախարար, ԱԺ պատգամավոր Ֆիրդուս Զաքարյանը։
ԳՅՈՒՄՐՎԱ ՑԻԼԻՆԴՐ
Կարդացեք նաև
Եվրախորհուրդ՝ Ստրասբուրգ էր այցելել կոմունիստ պատգամավոր Լեոնիդ Հակոբյանը, որն այնտեղ սերտ կապեր է հաստատել Անգլիայի պառլամենտի երկու անդամի հետ։ Նրանց դուր է եկել Լեոնիդ Հակոբյանի ցիլինդրը, ուստի հարցրել են, թե որտեղից է այդ լավ գլխարկը։ Մեր պատգամավորն էլ ասել է, թե՝ Գյումրիից։ Դա որտե՞ղ է։ «Հին Լենինականն է՝ Սովետական Հայաստանում»։
Սեփ. լր.
