Ըստ որոշ տեղեկությունների, ԱԺ պատգամավոր Ալեքսան Հակոբյանը ԱԺ նախկին փոխխոսնակ Կարապետ Ռուբինյանին առաջարկել է Շենգավիթի տարածքում չառաջադրվել պատգամավորության թեկնածու, ինչը իրեն հնարավորություն կտա հաղթել Ղռերի Ավոյի հետ մրցապայքարում։
ՎԱՆՈՅԻ ՀԱՐՑՈՎ
Մարտի 20-ին տեղի է ունենալու ՀՀՇ հանրապետական խորհրդի նիստ, որտեղ կքննարկվի Վանո Սիրադեղյանի՝ վարչության նախագահի պաշտոնում հաստատել-չհաստատելու հարցը։ Այդ նախաձեռնությամբ մտադիր են հանդես գալ Բաբկեն Արարքցյանի կողմնակիցները։
Կարդացեք նաև
ՄԱՐԶԱՔԱՂԱՔԱԿԱՆ ԸՆՏԱՆԻՔ
Երկու ճանաչված ֆուտբոլիստ է տվել Սուքիասյանների ընտանիքը։ Երվանդ Սուքիասյանը Հայաստանի հավաքականում է հանդես եկել, իսկ նրա ավագ եղբայրը՝ Վարուժան Սուքիասյանը, այժմ մարզում է «Ցեմենտ» թիմը։ Նրանց երրորդ եղբայրը՝ Վաչիկ Սուքիասյանը, մտադիր է դառնալ ԱԺ պատգամավոր՝ թեկնածու առաջադրվելով Մալաթիա- Սեբաստիա համայնքի տարածքում։
ԵՐԿՐԱՊԱՀՆԵՐԻՑ ԱՌԱՋԻՆԸ
Ըստ «Առավոտի» տեղեկությունների, մեծամասնական ընտրակարգով պատգամավոր չի առաջադրվելու ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Ռազմիկ Մարտիրոսյանը։ Ասում են, թե նա լինելու է Հանրապետական կուսակցության ցուցակի ամենաբարձր տեղերից մեկում։ Մի խոսքով, Ռազմիկ Մարտիրոսյանին պետք է անցողիկ տեղ հատկացվի։
