Կարճ հարցազրույց էներգետիկայի նախարար Դավիթ Զադոյանի հետ
– Պարոն Զադոյան, այսօր կառավարությունը որոշում կայացրեց «Էներգետիկայի մասին» ՀՀ օրենքում փոփոխություններ կատարելու մասին» ՀՀ օրենքի ընդունման մասին։ Մեկնաբանեք խնդրում եմ այս որոշումը։
– Խնդիրը հետեւյալն է, բոլոր էլեկտրաէներգիա տեղափոխողները, բաշխողները, գազը տեղափոխող-բաշխողները, վաճառողներն ու արտահանողները, բոլորը լիցենզավորվում են։ Ջերմային էներգիան, ջեռուցման համակարգը եւս օրենքով պետք է լիցենզավորվեին եւ վերջին ժամկետը մինչեւ հուլիսի 1-ն էր։ Սակայն դեռ չեն լիցենզավորվել եւ դեռ այդ կազմակերպություններն էլ չեն ստեղծված։Երկարացրեցինք ժամկետը, որ մինչեւ 2000 թվականի հուլիսի 1-ը նրանք լիցենզավորվեն։ Երկրորդ կետով, հաշվիչների տեղադրումով պետք է կարողանանք հաշվառել ջերմային էներգիան։ Սա էլ երկարաձգեցինք եւս երկու տարի, որովհետեւ դա մեծ գումարների հետ կապված խնդիր էր։
– Պարոն Զադոյան, փաստորեն էներգետիկայի համակարգի հանդեպ մի տեսակ ներողամիտ վերաբերմունք կա։ Դա բացատրո՞ւմ եք ձեր անձով։
Կարդացեք նաև
– Դա ես բացատրում եմ նրանով, որ եթե էներգետիկան ոտքի չկանգնի, ապա ողջ արդյունաբերությունն իր հետ ետ կքաշի։ Սա հասկանում ենք բոլորս։ Եվ ես շնորհակալ եմ, որ վարչապետն առաջնությունը տալիս է այդ համակարգին։ Ցանկացած վարչապետ այդպես պիտի վարվեր։ Ինձ արտոնություն չեն տալիս, իմ պարտքերն են ուզում վերադարձնել։
Հարցազրույցը վարեց
ՄԱՐԳԱՐԻՏ ԵՍԱՅԱՆԸ
Հ. Գ. ՀՀ էներգետիկայի նախարար Դավիթ Զադոյանի հետ առավել հանգամանալից հարցազրույցը կարդացեք եկող շաբաթ։
