Նմանօրինակ դիտողությունների համար քաղաքական գործիչները մեղադրում են Հայաստանի մամուլին, թե ժողովրդի աչքում արժեզրկում են կուսակցություններին։ Բայց այս պնդումը արել է ոչ կառավարական, քաղաքական ուղղվածություն ունեցող անկախ հետազոտական ԶԼՄ-ների եվրոպական ինստիտուտը, որ 1992-ից սկսյալ դիտարկումներ է իրականացրել նախկին սոցիալիստական մի շարք երկրներում. «Նկատի առնելով Հայաստանի տնտեսական եւ սոցիալական ներկայիս բարդ իրավիճակը, բոլոր կուսակցությունները, անկախ իրենց գաղափարախոսություններից, պետք է նախընտրական ծրագրերում ընդգրկեին պոպուլիստական դրույթներ։ Դրանք ընթերցելիս տպավորություն է ստեղծվում, թե կուսակցությունների միջեւ գրեթե ոչ մի տարբերություն չկա»։
ՊԱՐՈՒՄ ԵՆ ԲՈԼՈ՛ՐԸ
Սիրում են մեր բարճրաստիճանները դերասանուհիների հետ պարել։ Ժամանակին «Երկիրը» լուսանկար հրապարակեց, թե ինչպես էր ՆԳ նախարար Վանո Սիրադեղյանը պարում «Պարզապես Մարիա» սերիալի գլխավոր հերոսուհու դերակատար Վիկտորիա Ռուֆոյի հետ։ Օրերս էլ, ի պատիվ Վրաստանի նախագահի՝ պաշտոնական ընդունելության ընթացքում, Հայաստանի նախագահ Ռոբերտ Քոչարյանը պարել էր Սոֆիկո Ճիաուրելիի հետ։ Բայց ոչ ոք նրանց կարծես չէր նկարահանել։
Կարդացեք նաև
ՆՈՒՅՆ ՍՑԵՆԱՐՈ՞Վ
Ադրբեջանի «Ժողովրդավարական կոնգրեսի» նախագահ Իսա Ղամբարը հայտարարել է, որ հոկտեմբերի 9-ին իրենք հանրահավաք են գումարելու Ղարաբաղի խնդրում իշխանությունների քաղաքականության դեմ։ «Կառավարությունը վերջապես պիտի հասկանա, որ Ղարաբաղը ողջ ազգի, այլ ոչ միայն վարչակազմի խնդիրն է»,- ասել է նա։
