«Առավոտը» ՆԳ նախկին նախարար Սուրեն Աբրահամյանին խնդրեց մեկնաբանել մամուլում հրապարակված այն լուրերը, թե հրաժարական ներկայացնելուց հետո, մինչեւ կառավարության ձեւավորումը՝ 100-ից ավելի հրամաններ է ստորագրել, որոնց մոտ կեսը կադրային տարբեր նշանակումների են վերաբերել։ «Նշանակումներ եղել են, բայց ոչ այդ քանակի։ Այդ թիվն անհեթեթ է,- պատասխանեց պրն Աբրահամյանը։- Ընդամենը մի քանի նշանակումներից յուրաքանչյուրն իր տրամաբանությունն ունի եւ բացատրությունը։ Եվ նման լուրեր տարածելն ինձ վարկաբեկելու անհաջող փորձերի շարունակությունն է»։
ԾԱՅՐԱՀԵՂ ԻՐԱՎԻՃԱԿՆԵՐՈՒՄ ԷԼ Է ՎԱՐՔԸ ՏԱՐԲԵՐ ԼԻՆՈՒՄ
1990-ին, երբ նռնակը ձեռքին զինվորական հագուստով մարդը մտել էր խորհրդարանի դահլիճ, պատգամավորները մեկեն ոտքի էին կանգնել, այլ ոչ թե պառկել։
Կարդացեք նաև
Կարդացեք էջ 3։
ՀՐԱՄԱՆԱՏԱՐՆԵՐԻՆ ՀԵՂԱՇՐՋՄԱՆ ՓՈՐՁԻ ՄԵՋ ՉԵՆ ՄԵՂԱԴՐՈՒՄ
«Անհեթեթություն է,«- այսպես պատասխանեց նախագահի մամուլի քարտուղար Վահե Գաբրիելյանն «Առավոտի» այն հարցին, թե իրականությանը համապատասխանո՞ւմ են այն լուրերը, որ Ռոբերտ Քոչարյանի եւ գլխավոր դատախազ Բորիս Նազարյանի նոյեմբերի 30-ի հանդիպման ընթացքում որոշվել է քրեական գործ հարուցել բանակի որոշ հրամանատարների դեմ՝ պետական հեղաշրջման փորձի վերաբերյալ մեղադրանքով։
ԵԹԵ ՈՉ ԲՅՈՒՋԵԻՑ, ԱՊԱ ՈՐՏԵՂԻ՞Ց
«Առավոտին» հասած լուրերով, ԱԺ նախագահ Արմեն Խաչատրյանը ՀԺԿ-ականներին բացատրել է, թե այլեւս չի կարող վերադարձնել իր զրահապատ BMW-ն, բայց խոստացել է, որ դրա արժեքի վճարման խնդիրները կլուծի ոչ բյուջետային միջոցների հաշվին։
