Երեկ դատական նիստի ավարտին Աշոտ Բլեյանը հանդես է եկել միջնորդությամբ. «Քանի որ երկուշաբթի ԱԺ-ն հաստատելու է 2000 թվականի բյուջեն, միջնորդում եմ նախագծում կատարել հետեւյալ փոփոխությունը։ Ես հաշվել եմ, որ մեկ ամսում պետբյուջեից իմ դատաքննության վրա ծախսվում է 500 դոլար։ Առաջարկում եմ, որ պետբյուջեից ՆԳՆ-ին տրամադրվող գումարներից պակասեցվի կալանավորների պահպանման համար հատկացված այս ծախսերը եւ դրանք տրամադրվեն կրթության եւ գիտության ոլորտին»։
Ըստ էության, Աշոտ Բլեյանն այս հրատապ եղանակով սեփական խափանման միջոցի փոփոխման միջնորդություն էր արել։
ՎԱՏ ԼՈՒՐ
Կարդացեք նաև
Երբ ԱԺ-ի ամբիոնից պատգամավոր Գրիգոր Հարությունյանը հիշեցրեց. «Մեզ համոզում էին, որ կոնյակի գործարանի վաճառքը խաղողագործությունը կզարգացնի, սակայն հակառակն է», Դավիթ Զադոյանը տեղից առարկեց. «Բայց ո՞նց է հակառակը»։ Մինչդեռ պետական լրատվական գործակալություններն են հաղորդել, որ կոնյակի գործարանը չի կատարել ոչ խաղողի մթերման, ոչ էլ կոնյակի արտահանման 1999-ի ծրագիրը։ Ինչի պատճառով, ի դեպ, կրճատվել են հայկական կոնյակի արտահանման ծավալները։
