Հանրահայտ «պոլի փետ լինի՝ միայն ՀՀՇ-ից լինի» արտահայտությունը տարիներ առաջ զանգվածային էր դարձրել Արշակ Սադոյանը։ Վերջինս «Առավոտի» թղթակցին պատմեց, որ այդ միտքը, ճիշտ է, հայտնել էր Վանո Սիրադեղյանը, բայց ինքն է դա կրկնել արդեն հանրահավաքում։
ՎՈՎԱ ԳԱՍՊԱՐՅԱՆԸ ԿՄՆԱ՞ ԳԼԽԱՎՈՐ ՈՍՏԻԿԱՆԱՊԵՏ, ԹԵ՞…
Ռազմական ոստիկանության պետ Վովա Գասպարյանն իր ամառային արձակուրդն անց է կացնում Սեւանում։ Մինչ նա անխռով լող է տալիս լճում, Երեւանում լուրեր են տարածվել, որ արձակուրդից հետո նա այլեւս իր պաշտոնում չի մնա. կա՛մ հրաժարական կտա, կա՛մ կազատեն։
Կարդացեք նաև
ԲԱՑ ՆԱՄԱԿ ԱՆԴՐԱՆԻԿ ԶՈՐԱՎԱՐԻՑ
Վարչապետ Անդրանիկին ուղղված բաց նամակում Զորավար Անդրանիկը գրել է. «Եթե բոլորդ երկրից փախչելու էիք, ինձ ինչո՞ւ տեղահան արեցիք ու բերեցիք Հայաստան»։
«ԻՄ ԲԱՐԵԿԱՄ» ՌՈՒԶԱՆ ՄԻՆԱՍՅԱՆԸ
Նուբարաշենի թիվ 1 մեկուսարանը սահմանել էր «Իմ բարեկամ» մրցանակը։ Մրցանակն ինքը, հացի խմորից պատրաստված ձեռքեր են, որոնք պահում են երկրագունդը եւ նրա վրա նստած թռչունը (հավանաբար՝ աղավնի է)։ Այս մրցանակին Նուբարաշենի կալանավորներն արժանացրել են նաեւ «Առավոտի» թղթակից Ռուզան Մինասյանին։ Ռուզանի համար մրցանակն անակնկալ էր, թեեւ ոչ պատահական. այն ստանալուց մեկ օր առաջ նա տասնյակ գրքեր էր ուղարկել մեկուսարան՝ կալանավորներին։
