![\"\"](\"https://www.aravot.am/2008/aravot_arm/September/2/p1.jpg\")
![\"\"](\"https://www.aravot.am/2008/aravot_arm/September/2/p1-1.jpg\")
Շաբաթ օրը, ժ. 23:30-ի սահմաններում Օպերայի տարածքում գտնվող «Ատլանտիկ» բացօթյա սրճարանում մոտ 10-15 երիտասարդներ, որոնք եղել են ոչ սթափ վիճակում, սկսել են վիճաբանել եւ բարձր հայհոյել: Օպերայի տարածքում ծառայության մեջ գտնվող «կարմիր բերետավորներից» մի քանիսը մոտեցել են վերջիններիս՝ կարգի հրավիրելու նպատակով: Արդյունքում՝ երիտասարդներից մեկը շշով հարվածել է «կարմիր բերետավորներից» մեկին, եւս մեկը հարված է ստացել դեմքին (լուսանկարը՝ աջից): Ոստիկանության միջամտությունից հետո երիտասարդները, որոնց թվում, «Առավոտի» տեղեկություններով, եղել են բարձրաստիճան պաշտոնյաների որդիներ, բերման են ենթարկվել: Բռնության ենթարկված երկու «բերետավորները», մեր ունեցած տեղեկություններով, տեղափոխվել են հիվանդանոց՝ շտապ բուժօգնություն ստանալու նպատակով:
