![\"\"](\"https://www.aravot.am/2009/aravot_arm/May/23/p4.jpg\")
Day.az-ը ցավագին է արձագանքել այն փաստին, որ ռուսաստանյան շոու-բիզնեսի՝ ազգությամբ ուզբեկ հանրահայտ երգչուհի Ազիզա Մուհամեդովան մի շարք, այդ թվում՝ Շուշիի ազատագրման առիթով կազմակերպված համերգներով վերջերս հանդես է եկել Արցախում: Իսկ ամենաշատը մեր հարեւաններին զայրացրել է Ազիզայի հետեւյալ հայտարարությունը. «Ես երջանիկ եմ, որ աստղերը վերջապես այնպես են դասավորվել, որ հայտնվել եմ հաղթանակած ղարաբաղյան հողի վրա: Շնորհավորում եմ բոլորիդ ու մասնավորապես արցախյան կուռ բանակին»:
Ըստ Day.az-ի, այսքանից հետո Ազիզան դեռ համարձակվել է ԶԼՄ-ներին հայտարարել, թե քվեարկել է «Եվրատեսիլում» Ադրբեջանը ներկայացնող դուետի օգտին:
