![\"\"](\"https://www.aravot.am/2009/aravot_arm/July/3/p18.jpg\")
Բռնցքամարտի միջազգային ֆեդերացիան (IBF) «Sauerland Event» ընկերությանը հղած պաշտոնական նամակով խորհուրդ է տալիս անհապաղ բանակցութուններ սկսել միջին քաշային կարգում աշխարհի չեմպիոն Արթուր Աբրահամի եւ տիտղոսի պարտադիր հավակնորդ եւ IBF-ի վարկանիշային ցուցակում չեմպիոն Աբրահամից հետո առաջին հորիզոնականն զբաղեցնող Ջովաննի Լորենցոյի միջեւ մենամարտ կազմակերպելու համար:
Աբրահամն ու իր թիմը կհամաձայնե՞ն դրան, առայժմ պարզ չէ: Հայտնի է, որ Արթուրը վաղուց ցանկանում է փոխել քաշային կարգը, ինչի մասին բազմիցս հայտարարել են թե ինքը, թե մարզիչը: Եթե Արթուրը կատարի իր որոշումը, պետք է հրաժարվի չեմպիոնի կոչումից: Այդ դեպքում նրա թողած թափուր տեղն զբաղեցնելու համար ռինգ կմտեն Լորենցոն եւ վարկանիշային ցուցակի երկրորդ տեղում ընթացող Սեբաստիան Սիլվեսթերը:
