Երեկ ՀՀ նախագահի աշխատակազմի ղեկավար Կարեն Կարապետյանն աշխատանքային խորհրդակցություն է անցկացրել, որի ընթացքում քննարկվել է Ջերմուկ քաղաքի զարգացման հայեցակարգը: Նշենք, որ Ջերմուկի զարգացումը նախատեսված էր նաեւ նախագահ Սերժ Սարգսյանի նախընտրական ծրագրում:
Խորհրդակցությանը ներկա էկոնոմիկայի նախարար Ներսես Երիցյանը հայեցակարգը ներկայացնելիս վստահեցրել է, որ այն իրագործելուց հետո Ջերմուկը դառնալու է ամբողջ տարին գործող՝ միջազգային չափանիշներին համապատասխանող առողջ եւ ակտիվ կենսակերպի զբոսաշրջային կենտրոն: Կ. Կարապետյանը հանձնարարել է հայեցակարգում հստակ առանձնացնել պետության մասնակցության չափաբաժինը եւ այն ամրագրել յուրաքանչյուր տարվա պետբյուջեում: Ըստ նրա, պետք է ամեն ինչ անել, որ պոտենցիալ ներդրողները շահագրգռվեն ու ներդրումներ կատարեն Ջերմուկում:
