Դանիայի Հելսինգոր քաղաքում մեկնարկել է շախմատի «Պոլիտիկայի» գավաթ անվանումը կրող միջազգային բաց մրցաշարը, որին մասնակցում են 300 շախմատիստներ:
Օլիմպիական չեմպիոն գրոսմայստեր Գաբրիել Սարգսյանը կայացած չորս տուրերում տարել է միայն հաղթանակներ ու եւս ութ հոգու հետ ընթանում է մրցաշարային աղյուսակի առաջին հորիզոնականներում:
Շախմատային լրատվամիջոցները տեղեկացնում են, որ Գաբին Դանիայից մեկնելու է Օրդիքս, որտեղ Վլադիմիր Հակոբյանի եւ մի քանի այլ հայ շախմատիստների հետ հանդես է գալու «Չեսս Կլասիկ Մայնց 2009» փառատոնի շրջանակներում ներառված բաց մրցաշարում: Այնտեղ մեր գրոսմայստերների հիմնական մրցակիցները լինելու են Գրիշչուկը, Բաքրոն, Հաշիմովը, Մամեդյարովը, Կամսկին, Նակամուրան, Նավարան, Բոլոգանը:
Լրատվամիջոցները տեղեկացնում են նաեւ, որ Հայաստանի լավագույն շախմատիստ Լեւոն Արոնյանը պատրաստվում է նույն փառատոնի շրջանակներում Անանդի, Նեպոմնյաշչիի եւ Նայդիչի հետ խաղալ արագ շախմատի աշխարհի առաջնությունում, ինչպես նաեւ «Շախմատ 960» աշխարհի առաջնությունում: