Երեկ ՀՀ Սփյուռքի նախարարության «Արի տուն» ծրագրի հերթական փուլի 60 սփյուռքահայ երիտասարդներ՝ Ռուսաստանից, Վրաստանից, Իրանից, Ֆրանսիայից, Ամերիկայի Միացյալ Նահանգներից, Գերմանիայից, այցելեցին Մայր աթոռ Սբ. Էջմիածին, ուր հանդիպեցին Մայր աթոռի Քրիստոնեական դաստիարակության կենտրոնի տնօրեն տ. Վարդան աբեղա Նավասարդյանի հետ: Իր խոսքում հոգեշնորհ հայր սուրբը բարիգալստյան մաղթանքից հետո անդրադարձավ հայապահպանության խնդրին՝ վերջինիս համատեքստում կարեւորելով Հայրենիքի հետ կապը, հավատարմությունը Հայ առաքելական սուրբ եկեղեցուն:
