Վատիկանի թանգարանների գոյության ողջ պատմության ընթացքում առաջին անգամ հուլիսի 24-ին բազմաթիվ այցելուներ հնարավորություն են ունեցել ներկա գտնվել թանգարանների սրահներում մինչեւ ուշ գիշեր ու դիտել հովվապետերի կազմած արվեստի հարուստ հավաքածուների ստեղծագործությունները: Այդ մասին հայտնել է «KIPA» գործակալությունը:
Հավելենք նաեւ, որ Վատիկանի թանգարանների նոր մուտքը՝ բացված 2000թ., լուծել է թանգարանային համալիրի այցելուների մեծ հոսքի խնդիրը: Այժմ այցելուները կարողանում են անցնել ցուցասրահներ՝ մետաղից եւ ապակուց կառուցված 165 մետրանոց պարույրաձեւ հսկայական բեմի միջոցով:
«KIPA» գործակալությունը նշում է, որ 2007 թ. Վատիկանի թանգարանների այցելուների թիվը եղել է ռեկորդային՝ 4,3 միլիոն մարդ:
