Հայաստանի համար «Fitch»-ի կողմից վարկանիշի նվազեցումը չպետք է մեծ ազդեցություն ունենա արտաքին փոխառություններ ներգրավելու հնարավորությունների վրա: Ըստ «Արմինֆոյի», «Fitch» վարկանիշային գործակալության կողմից Հայաստանի վարկանիշի 1% ցածրացումը այսպես է մեկնաբանել Արժույթի միջազգային հիմնադրամի մշտական ներկայացուցիչ Նինկե Օմեսը: Նրա խոսքերով, հազիվ թե այդ փոփոխությունը էապես ազդի պետության կողմից արտաքին փոխառություններ ներգրավելու հնարավորությունների վրա: Ըստ Ն. Օմեսի, արտաքին վարկերի մեծ մասը Հայաստան է մտնում միջազգային ֆինանսական կազմակերպություններից եւ երկկողմ դոնորներից, այդ թվում՝ Եվրամիությունից եւ Ռուսաստանից, որոնց համար ֆինանսավորման նպատակով որոշում ընդունելը հազիվ թե կախված է «Fitch» վարկանիշում Հայաստանի գրաված դիրքից:
Հիշեցնենք, որ միջազգային հեղինակավոր «Fitch» վարկանիշային կազմակերպությունը մեր երկրի վարկանիշը «BB»-ից իջեցրել է «BB-»-ի:
