Իրաքի հատուկ ծառայությունները երկրի հարավում հայտնաբերել են Պաբլո Պիկասոյի առեւանգված «Մերկ կինը» կտավը: Ինչպես հաղորդում է tert.am-ը՝ հղում անելով «Ասոշիեյթիդ փրես» գործակալությանը, ոստիկանությունը ենթադրում է, որ նկարն առեւանգվել է 1990 թվականին Իրաքի՝ Քուվեյթ ներխուժման ժամանակ: Ոստիկանության ներկայացուցիչները հաղորդել են, որ առեւանգված նկարը փորձել են $450 հազարով վաճառել «սեւ շուկայում»: Մինչդեռ իրաքյան փորձագետները, ծանոթանալով կտավին, այն գնահատել են $10 մլն:
