Ռուսաստանը մտադիր է դադարեցնել իր համագործակցությունը Եվրոպայի խորհրդի խորհրդարանական վեհաժողովի հետ, եթե ԵԽԽՎ-ն Մոսկվային զրկի վրացական հարցում ձայնի իրավունքից: BBC-ի փոխանցմամբ, երեկ այդ մասին հայտարարել է ԵԽԽՎ-ում Ռուսաստանի պատվիրակության ղեկավար Կոնստանտին Կոսաչովը: Նրա ասելով, եթե ԵԽԽՎ-ում ռուսական պատվիրակության նկատմամբ պատժիչ միջոցներ ձեռնարկվեն, ինքը «կառաջարկի ԵԽԽՎ-ի հետ հարաբերություններում դադար վերցնել»: «Իմաստ չկա մասնակցել Վեհաժողովի նստաշրջաններին՝ չունենալով նրա որոշումների վրա ազդելու հնարավորություններ»,- եզրափակել է Կոսաչովը:
