![\"\"](\"https://www.aravot.am/2010/aravot_arm/April/15/p1.jpg\")
Եթե պատժվեին ապրիլի 12-ի դեպքերի պատասխանատուները, կլինե՞ր արդյոք մարտի 1-ը: Պատասխանելով «Ա1+»-ի այդ հարցին՝ Հանրային խորհրդի նախագահ Վազգեն Մանուկյանն ասաց.
«Եթե 1996 թվականի ընտրությունների դեպքերը չլինեին, ոչ մի հետագա դեպք էլ չէր լինի, չէր լինի անգամ հոկտեմբերի 27-ը»: Այդ մտքի հետ համաձայնեց ԱԺ նախկին փոխնախագահ Արա Սահակյանը, որը 1996 թվականի սեպտեմբերի 26-ին դարձավ Վազգեն Մանուկյանի կողմնակիցների՝ խորհրդարանի վրա հարձակման զոհը. «Այո, 1996 թվականի սեպտեմբերի 26-ի զանգվածային անկարգությունների կազմակերպիչները, հրահրողները եւ կոնկրետ իրագործողները պետք է բացահայտվեին եւ կանգնեին դատարանի առջեւ, իրենց ողջ կազմով: Եվ եթե նրանք չխուսափեին այդ պատասխանատվությունից, ապա չէին լինի հոկտեմբերի 27-ը, ապրիլի 12-ը, մարտի 1-ը»:
