Armchess.am-ը տեղեկացնում է, որ աշխարհում ամենաբարձր անհատական վարկանիշ ունեցող երկու հայ գրոսմայստերները՝ Լեւոն Արոնյանը եւ Սերգեյ Մովսիսյանն այս օրերին Երեւանում համատեղ կարճ ուսումնամարզական հավաք են անցկացնում: Նրանք նախապատրաստվում են առաջիկա կարեւորագույն մրցաշարերին: Կայքէջը հիշեցնում է, որ երկու գրոսմայստերները, որոնք նաեւ լավ ընկերներ են, մի քանի շաբաթ առաջ համատեղ հավաք են անցկացրել նաեւ Բեռլինում:
Նույն աղբյուրը տեղեկացնում է նաեւ, որ ՖԻԴԵ-ն օրերս կանանց վարպետի կոչում է շնորհել Հայաստանի չեմպիոնուհի եւ մեր օլիմպիական հավաքականի անդամ Անահիտ Խառատյանին:
