Միջին քաշային կարգում WBO European-ի չեմպիոն Գենադի Մարտիրոսյանն իր տիտղոսի հերթական պաշտպանությունը կանցկացնի հոկտեմբերի 29-ին, տեղեկացնում է Armsport.am-ը: Այդ օրը Սանկտ Պետերբուրգի «Հոբելյանական» մարզադահլիճում նա ուժերը կչափի պորտուգալացի Վիկտոր Սայի հետ: Ռուսաստանը ներկայացնող հայազգի բռնցքամարտիկն իր չեմպիոնական կոչումը նվաճել է անցած տարվա հոկտեմբերին՝ հաղթելով իսպանացի Մրգել Անխել Պենուին: Իսկ տիտղոսի առաջին պաշտպանական մարտը Գենադին անցկացրել է այս տարվա փետրվարին: Ֆրանսիացի Ազիզ Դարի հետ մրցամարտն ավարտվեց 10-րդ ռաունդում, երբ ֆրանսիացին հայտնվեց նոկաուտում: 31-ամյա Մարտիրոսյանը պրոֆեսիոնալ ռինգում անցկացրել է 22 մրցամարտ, որոնցից հաղթել է 20-ում, պարտվել՝ 2-ում: Հաղթանակներից 9-ը Մարտիրոսյանն ավ
