Ոստիկանության Կենտրոնականի բաժնի ծառայողները մայիսի 19-ին Գր. Լուսավորչի փողոցի թիվ 12 շենքի մոտից բերման են ենթարկել 36-ամյա Արթուր Ա.-ին, որը մայիսի 11-ից ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 325 հոդվածի 1-ին մասի մեղադրանքով, այն է՝ փաստաթղթեր, դրոշմներ, կնիքներ, ձեւաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը:
Իսկ Ե. Քոչարի փողոցի թիվ 22 շենքի մոտից բերման ենթարկված 32-ամյա Արտաշես Շ.- ն էլ մայիսի 18-ից հետախուզվում էր ՀՀ քրեական օրենսգրքի 324 հոդվածի 1-ին մասի՝ փաստաթղթեր, դրոշմներ, կնիքներ հափշտակելը կամ վնասելը եւ 325 հոդվածի 1-ին մասի՝ փաստաթղթեր, դրոշմներ, կնիքներ, ձեւաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը, հոդվածների հատկանիշներով: