«Եթե Կոնգրեսի առաջնորդը տեսական գնահատականներ է հնչեցնում, ես կնախընտրեմ ավելի իրատեսական լինել եւ առաջնորդվել փաստերով: Այսօր նախագահ Սերժ Սարգսյանը Ազգային ժողովում ունի լուրջ եւ ծանրակշիռ քաղաքական հենարան՝ ի դեմս իր կողմից ղեկավարվող Հանրապետականի, որը բացարձակ մեծամասնություն է կազմում, եւ կոալիցիոն կուսակցությունների: Ինչ վերաբերում է հեռանկարային հաշվարկներին, ապա նշեմ, որ ՀՀԿ-ն բոլոր շանսերը ունի՝ պահպանելու եւ ավելացնելու իր դերակատարությունը քաղաքական դաշտում: Կարծում եմ՝ ՀԱԿ-ի հռչակած իմպիչմենտի գործընթացը կմնա հանրահավաքային դասախոսության հերթական խաբկանք»,- ՀՀԿ մամուլի խոսնակ Էդուարդ Շարմազանովը henaran.am-ի հետ զրույցում այսպես է մեկնաբանել Լեւոն Տեր-Պետրոսյանի վերջին հայտարարությունը:
Հիշեցնենք, որ Տեր-Պետրոսյանը երեկ Ազատության հրապարակում ասել է՝ եթե, այնուամենայնիվ, առաջիկայում չհաջողվի հասնել Սերժ Սարգսյանի հրաժարականին, ապա Կոնգրեսը պետք է ձգտի Ազգային ժողովում ապահովել այնպիսի ծանրակշիռ ներկայություն, որն առանձին կամ այլ ուժերի հետ կազմած դաշինքով ի վիճակի լինի անմիջապես բարձրացնելու նրա պաշտոնանկության, կամ, այլ կերպ ասած, իմպիչմենտի հարցը:
