«Ես ԱԺ նիստում ասել եմ՝ կամ լինում ենք բարեկիրթ, կամ, ինչպես ընդդիմությունն է իրեն պահում, այսպես պատասխան կստանա։ Տվյալ պահին Նարեկ Կարապետյանը սկսել է ծեծկռտուքն ու, ըստ որոշ գնահատականների, ստացել է արժանին։ Ես դրա համար պատասխանատու չեմ, որովհետև, կրկնում եմ, ես չեմ հրահանգել Նարեկ Կարապետյանին վիրավորել պատգամավորին ու սադրել ծեծկռտուք։ Եթե հետո պետք է գային բողոքեին, որ իրենց հետ նման բաներ են եղել, թող չսկսեին այդ ծեծկռտուքը։ Դրա համար պատասխանատու չեմ։ Բայց իրենք բոլորը պետք է ինձ շնորհակալություն հայտնեն, որ կանխել եմ ավելի վատը, ինչը կարող էր իրենց հետ լինել»,- այսօր լրագրողների հետ ճեպազրույցում մի քանի անգամ կրկնեց ԱԺ նախագահ Ռուբեն Ռուբինյանը՝ անդրադառնալով պատգամավորների միջև այսօր տեղի ունեցած ծեծկռտուքին։
Անդրադառնալով Նիկոլ Փաշինյանի արձագանքին ծեծկռտուքի վերաբերյալ, որը հայտարարել էր, թե հիասթափված է, Ռուբինյանն ասաց. «Ես էլ եմ հիասթափված։ Ո՞նց եք պատկերացնում, որ մեզ պետք է վիրավորեն ու խփեն, ու ոչ մի բան չլինի՞»։
Կարդացեք նաև
Ռուբինյանը գովեց իր գործընկերներին՝ վստահեցնելով, որ իրենք զուսպ են եղել, և որ նախկինում էլ ընդդիմադիր պատգամավորները նման գործողություններ են թույլ տվել, սակայն համարժեք պատասխան չեն ստացել։
«Մենք դիմացել ենք, երբ վիրավորել են մեզ, մեր ընտանիքներին, բայց երբ եկել են արդեն սկսել հարվածել մեր պատգամավորներին, պարզ է, որ պետք է ստանային պատասխան։ Այդքանով հանդերձ՝ հասկանում եք, չէ՞, թե որքան բարեգութ են գտնվել։ Չգիտեմ՝ նախախնամությո՞ւնն է, թե՞ ինչ է, բայց Էդգար Ղազարյանի գլխից մի մազ չի պակասել, ու դա իմ շնորհքն է»,- ասաց Ռուբինյանը։
Արփինե ՍԻՄՈՆՅԱՆ
Դա ողբերգություն է, ամոթ բան է պետականություն ունեցող երկրի համար:
Էլ չխոսենք դեմոկրատիայի բաստիոն կառուցող հավակնորդների համար:
Այս պարզ բանը չի ընկալում քպական և ոչ մի չինովնիկ:
Անկարող, անունակ, անհեռատես [Վ.Հ.] նիկոլականներ…