Դատելով հատուկ քննչական ծառայության արագ արձագանքից, որը երեկ տեղեկացրեց, թե քրեական գործ է հարուցվել «Արմենիա-Մարիոթ» հյուրանոցում նոյեմբերի 14-ի երեկոյան տեղի ունեցած դեպքի կապակցությամբ (Սյունիքի մարզպետը ծեծի է ենթարկել գործարար Սիլվա Համբարձումյանին), կարելի է հետեւություններ անել, որ Սյունիքի մարզպետ Սուրիկ Խաչատրյանի հարցը վաղուց էր հասունացել, ուղղակի պատկերավոր ասած` «Ֆրանց Ֆերդինանդի սպանությունն» էր դրան պակասում: Մի խոսքով` գործարար Սիլվա Համբարձումյանին ծեծի ենթարկելու փաստն էլ հենց առիթ կդառնա գուցե «Լիսկայի» հարցերը լուծելու համար, ինչը մարզպետը, նույն ինքը «Լիսկան» (ճիշտը «Լիցկա» է), դժվար թե ընբռներ, այլապես իրեն այդպես անսանձ չէր պահի: Այսպես, երեկ ՀՔԾ-ն քրգործ է հարուցել Սիլվա Համբարձումյանի գրավոր հաղորդման հիման վրա նոյեմբերի 14-ի միջադեպի առիթով:
Մ. Խ.
«Ազգ»
