ՍԴՀԿ ատենապետ Լյուդմիլա Սարգսյանի համար Հրազդանում անցկացվող քաղաքապետի ընտրությունները փորձություն են ե՛ւ իշխանության ե՛ւ ընդդիմության համար: Նրա խոսքերով.«Այս ընտրություններից արդեն պարզ կլինի , թե իշխանություններն ինչ իրական մեխանիզմներ են կիրառելու Ազգային Ժողովի ընտրությունների ժամանակ: Ավելի քան վստահ ենք, որ ուժային ամբողջ ռեզերվը դեռ պահել են ու դեռ իրավիճակը պետք է փորձեն վերահսկել ու տեսնել՝ որ ընտրատեղամասում ինչ արդյունքներ ունեն: Թե ինչ մեխանիզմներ կկիրառեն ու ինչ ուժային մեթոդներ կօգտագործեն` ցույց կտա ընթացքը :Լավ ենք հասկանում, որ սա լուրջ պայքար է, որը ցույց է տալու, թե իրականում իշխանություններն ինչքանով են պատրաստ ազատ արդար ու թափանցիկ ընտրություններ անցկացնելուն»:
Լ. Սարգսյանի համոզմամբ, Հրազդանի ընտրություններից հետո պարզ է դառնալու, թե իրականում ինչ է փոխվել մեր երկրում 2008 թվականից հետո. «Սա առաջին լուրջ փորձությունն է եւ՛ իշխանության եւ՛ ընդդիմության համար: Ընդդիմության համար սա նաեւ շատ ոգեւորող մի հաղթանակ պիտի լինի, որից հետո շարժումը միանշանակ վերելք է ստանալու, իսկ իշխանության համար էլ հստակ է, որ սա իսկապես շարժմանը ուժ է տալու , հետեւաբար իշխանություններն ամեն ինչ պետք է անեն, որ խոչընդոտեն: Մինչ այժմ ամեն ինչ հարաբերականորեն նորմալ է : Մեզ համար այսօրը Սարդարապատ է՝ մեր ներսում »:
Արփինե ՍԻՄՈՆՅԱՆ
Կարդացեք նաև
Արփինե ՍԻՄՈՆՅԱՆ
Tags Հրազդան, Սասուն Միքայելյան, ՀԱԿ, ընտրություն
