Հանրահավաքի իր ելույթում նախկին վարչապետ Հրանտ Բագրատյանը սուր քննադատության ենթարկեց կառավարության գործունեությունը՝ մասնավորաբար, արտադրողներին սուբսիդավորելու գործընթացը, ինչը, նրա գնահատմամբ, նպաստում է տնտեսության էլ ավելի մենաշնորհացմանը եւ կոռուպցիայի աճին:
Ըստ Բագրատյանի՝ 1990-ականներին Հայաստանում գործում էր 930 արտոնագրերի տարբերակ, իր վարչապետության տարիներին՝ այդ թիվը նվազեցվեց 30-ի, ազատականացնելով տնտեսությունը եւ խթանելով մրցակցությունը: Մինչդեռ այս իշխանությունը, նրա գնահատմամբ, հետ գնաց՝ արտոնագրային գործունեությունների թիվը հասնելով 1000-ի եւ համապատասխանաբար հետ տանելով տնտեսությունը:
Բագրատյանը նաեւ նկատեց, որ Վրաստանում Սահակաշվիլին 70 տոկոսով արել է այն, ինչը արվել է Հայաստանում 90-ականների սկզբին եւ հասել է հաջողությունների:
Բագրատյանը քննադատեց նաեւ գյուղատնտեսության ոլորտում տարվող «բարելավման գործընթացը»:
Կարդացեք նաև
Տեսանյութը՝ «Ա1+»-ի
