Այսօր ԱԺ-ում լրագրողների հետ զրույցում Արտաշես Գեղամյանը նշեց. «Չեմ պատկերացնում մի մարդու, ով կարոտ չի ծառայել իր ժողովրդին: Եթե նա այդ կարոտը չունի, ուրեմն նա մարդ կոչվելու էլ իրավունք չունի»:
ՀԱԿ-ի այսօր խորհրդարանից բացակայելու հետ կապված նա ասաց, որ դա իրենց որոշումն է. «Կարծում եմ՝ հետեւողական չեն: Եթե բոյկոտում եք ԱԺ-ն՝ մանդատները վա՛յր դրեք: Մինչդեռ ՀԱԿ-ի գործունեւությանը, կարծում եմ, մեծ թվով ընտրողներ էին սպասում: Ճիշտ կլիներ՝ իրենք գային առաջին նիստին, ԱԺ նախագահի թեկնածու Հովիկ Աբրահամյանը ծրագրային ելույթ ունեցավ, իրենց խնդիրները թող դնեին, իրենց պահանջները բարձրաձայնեին, որից հետո պահանջեին: Որ մենք էլ իմանայինք՝ ՀԱԿ-ի պահանջը որն է, ինքներս էլ հետամուտ լինեինք իրենց բարձրացրած հարցերի կատարմանը: Ժամանակին, մենք էլ շուրջ մեկ տարի բոյկոտել էինք, բայց ճակատագրական հարցերի քննարկում եղավ ԱԺ-ում, մենք մեր պարտքը համարեցինք՝ գանք մեր տեսակետը հայտնենք: Կարծում եմ՝ ՀԱԿ-ը, որ այսօր համալրել է իր շարքերում բավականին գիտակ պատգամավորներ, գիտելիքների մեծ պաշար ունեցող պատգամավորներ, ճիշտ կլինի այդ գիտելիքները ծառայեցնի այս դահլիճում: Դա ավելի կստիպի, որ յուրաքանչյուրս ավելի զգոն լինենք»:
Հռիփսիմե ՋԵԲԵՋՅԱՆ
