Հունիսի 12-ին տեղի ունեցավ ունեցավ Տավուշի մարզխորհրդի հերթական նիստը, որը վարեց մարզպետ Արմեն Ղուլարյանը: Օրակարգի առաջին հարցի ՝ ՀՀ կրթության պետական տեսչության կողմից Տավուշի մարզպետարանի կրթության վարչությունում և մարզի դպրոցներում իրականացված ուսումնասիրությունների արդյունքների վերաբերյալ զեկուցումով հանդես եկավ Տավուշի մարզպետարանի աշխատակազմի կրթության, մշակույթի եւ սպորտի վարչության պետ Աշոտ Փաշինյանը: Իջեւանի տարածաշրջանի Աճարկուտ համայնքի ղեկավար Ռաֆիկ Օհանյանը դահլիճից հարց տալով՝ ասաց, որ իր դստերը՝ Լիանա Օհանյանին Սեւքարի դպրոցի նախկին տնօրեն Սամվել Ճաղարյանն ազատել է աշխատանքից, հիմա իր դուստրը չի վերականգնվել աշխատանքում: Մարզպետ Արմեն Ղուլարյանը հայտարարեց, որ Սամվել Ճաղարյանն այլեւս դպրոցի տնօրեն չէ, ո՞ւմ դեմ է բողոքում գյուղապետը, նշելով, որ ուսուցչի թափուր աշխատատեղ լինելու դեպքում գյուղապետի դուստրը կարող է դիմել: Ռաֆիկ Օհանյանը չէր հանդարտվում, ասելով, որ իր աղջկան անօրինական, «կազմակերպված ձեւով» են հեռացրել աշխատանքից: Մարզպետը գյուղապետին հեգնանքով ասաց.«Պարզ երեւում է, որ մեծացել ես: Էդ լավ է, ես ուրախանում եմ, որ մեկ-մեկ տհենց մոտդ էներգիա ա առաջանում: Թե չէ տազարած՝ էս երկու տարի ա ձեն էլ չես հանում»:
Ոսկան Սարգսյան
Կարդացեք նաև
