«Այս անչափ կարևոր հարցը գերքաղաքականացվեց և կառուցվեց մեկ անձի քարոզարշավի շուրջ։ Եվ դա իսկապես բացասական հետևանք ունեցավ այս նախագծի բովանդակության համար»,- ԱԺ նստաշրջանում Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքում և հարակից օրենքներում փոփոխություններ կատարելու նախագծերի փաթեթի քննարկման ժամանակ ասաց «Հայաստան» խմբակցության պատգամավոր Աննա Գրիգորյանը։
«Ես ուզում եմ, ընդհանուր առմամբ, անդրադառնալ այն քարոզչական թեզերին, որոնք անցնող ամիսներին շրջանառվել են։ Մասնավորապես, ասվում է, որ մեր ընտանիքը բռնության մշակույթ կրող է։ Չկա հասարակություն, որտեղ բռնություն չլինի, որտեղ ընտանեկան բռնություն չլինի, և դա դատապարտելի է, բայց մեր ընտանեկան մոդելը ամենևին բռնության մասին չէ։ Դրանք առանձին դեպքեր են, որոնց պետք է անդրադառնալ, և այսօր այս ամբիոնից էլ հնչեցվեցին, բայց դրանք առանձին դեպքեր են, և սա համակարգային չէ։ Թույլ չենք տալու, որպեսզի մեր ընտանեկան մոդելը ներկայացվի որպես բռնության մոդել»,- ասաց Աննա Գրիգորյանը։
Մանրամասները՝ տեսանյութում
Կարդացեք նաև
Դիմելով կանանց՝ Աննա Գրիգորյանն ասաց․ «Սիրելի կանայք, իսկապես երբեք չհանդուրժեք հանդուրժեք ձեր նկատմամբ իրականացվող բռնությունը, երբեք»:
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
