ՀԿԿ ԿԿ առաջին քարտուղար Ռուբեն Թովմասյանը դրական է գնահատում նախագահներ Պուտինի եւ Սարգսյանի վերջին հանդիպումը: Ի հեճուկս բոլոր նրանց, ովքեր քամահրանքով եւ թերահավատությամբ խոսեցին այդ հանդիպման մանավանդ այն դրվագի մասին, որ Սարգսյանն ընդհատեց իր արձակուրդը՝ հանուն ՌԴ նախագահի հետ հանդիպման, ընկեր Թովմասյանը ասում է որ հայ-ռուսական հարաբերությունների բարելավման ուղղությամբ ՀՀ իշխանությունները բավականին հաջողությամբ են աշխատում. «Դրա ապացույցն էր նաեւ նախագահների վերջին հանդիպումը: Այն, որ արձակուրդի ժամանակ եղավ այդ հանդիպումը, դա նշանակում է, որ Հայաստանը կարեւոր նշանակություն ունի Ռուսաստանի համար եւ արտաքին, եւ ներքին քաղաքականության մասով, եւ քաղաքական, եւ տնտեսական: Այլապես՝ մի 15 օր հետո կհանդիպեին, ի՞նչ էր եղել»: Դիտարկմանը՝ գուցե Պուտինը Սարգսյանին հրավիրել էր ցուցումներ տալու, մեր զրուցակիցը հակադարձեց. «Վատն այն է, որ մենք մտածում ենք էդպես: Մի ժամանակ Լեւոնն էր ասում՝ կոմունիստներին էլի կանչեցին Տիզբոն: Մոռացավ, որ մեր ամենաթանկարժեք գիրքը դրեց թեւի տակ ու տարավ նվիրեց հարբեցող Ելցինին, որը Տիզբոնի նոր տեսակն էր կառուցում: Ինքն էլ էր անընդհատ վազում Տիզբոն: ՌԴ-ն մեր ամենախոշոր եւ հուսալի բարեկամն է, եթե կողքը կարող են մեկ ուրիշին դնել՝ ես ետ կնահանջեմ: Չի կարելի այդպես մտածել՝ կանչել են կարգադրություններ անելու: Անցել են այդ ժամանակները»:
Նելլի ԳՐԻԳՈՐՅԱՆ
Զրույցի այլ մանրամասները կարդացեք վաղվա տպագիր «Առավոտում»
