Իսպանացի հանրահայտ ավտոարշավորդ, «Ֆորմուլա 1»-ի աշխարհի կրկնակի չեմպիոն Ֆերնանդո Ալոնսոն, որն ըստ շրջանառվող լուրերի՝մի քանի ամիս հանդիպում է ռուս մոդել Դաշա Կապուստինայի հետ, այլեւս չի թաքցնում իրենց հարաբերությունները: Իսպանացի պապարացիները, որոնք սիրում են ֆոտոխցիկներով ներխուժել ուրիշների անձնական կյանք, երիտասարդ զույգին «բռնացրել» են Մայորկա կղզու ափերին՝ շքեղ նավով զբոսնելիս:
Ավելի վաղ լուրեր էին տարածվել, թե Ալոնսոն բաժանվել է կնոջից, ում հետ համատեղ ապրել էր հինգ տարի: Եվ մի բան էլ: Հետաքրքիր է, որ Ալոնսոն Դաշայից առաջ ժամանակ էր անցկացնում մեկ այլ ռուս գեղեցկուհու՝ Քսենյա Կումիչեւայի հետ:
Աշոտ ՀԱԿՈԲՅԱՆ
