Այսօր, ինչպես և նախատեսված էր, Գյումրու քաղաքապետի ԲՀԿ-ական թեկնածուն` Սամվել Բալասանյանը, հանդիպեց Գյումրու մի շարք հ/կ-ների ներկայացուցիչների հետ: Նա իրեն ներկայացնելիս ակնարկեց, որ ինքը աչքը կուշտ անձնավորություն է, և քաղաքապետի պաշտոնը ստանձնելով` ամենևին մտադրություն չունի վերևից նայելու հասարակության անդամներին:
Ըստ թեկնածուի` մարդը պետք է տեսած լինի, մինչդեռ կան մարդիկ, որոնք պաշտոն ստանալով, փառքին չեն դիմանում , կտրվում են իրենց արմատներից, վերևից են նայում հասարակությանը` կարծելով, թե իրենք հասարակության տերն են: Նա հիշեցրեց, որ ինքը նույնիսկ ԱԺ փոխնախագահի պատոնն է զբաղեցրել, որը Սահամանդրությամբ 3-րդ, թե 4-րդ պաշտոնն է, բայց նման բան իրեն թույլ չի տվել: Այնուհետ անդրադառնալով Գյումրու գործող քաղաքապետ Վարդան Ղուկասյանին` ասաց, որ թեև լրագրողները ինտրիգներ են փնտրում, բայց ինքը ոչ մի բառ չի ասելու գործող քաղաքապետի մասին: «Ոչ մի բան չեմ ասում էսօրվա գործող քաղաքապետին, արդեն էս պահի դրությամբ, նախընտրական քարոզարշավին ես կասեմ,ես ուղղակի մի հատ գիծ եմ քաշում, մի գիծ իրա հետ ու էլ չեմ խոսում: Մենք խոսում ենք այն , ինչ ունենք, մենք կատարում ենք գույքագրում, այսինքն ռեվիզիա ենք անում, դե վերջը համայնք է, համայնքը սեփականություն ունի, գործառույթներ ունի, որը պետք կատարենք և այլն և այլն»:
Հ/կ ներկայացուցիչներից մեկը, չբավարարվելով պարոն Բալասանյանի պատասխանով, հետաքրքվեց, թե ինչո՞ւ նա չի ուզում գնահատական տալ քաղաքապետ Վարդան Ղուկասյանին, միգուցե կան այնպիսի փաստեր, որոնք հասարակությունը կուզենա՞ր իմանալ : «Ընդհանրապես բնավորություն է, երբ որ մի բան սկսում եմ, հետ չեմ նայում, հետ թող նայեն համապատասխան մարմինները, այսինքն կա համապատասխան աուդիտ, համապատասխան ֆինանսների նախարարություն և այլն և այլն: Թող նրանք հետ նայեն, մեր հետ նայելը որևէ օգուտ չի բերի մեզ, ավելի շատ նյարդայնանալու ենք »-նորից կրկնեց պարոն Բալասանյանը` ասելով, որ ամեն մարդ թող իր գործով զբաղվի:
Կարդացեք նաև
Նունե ԱՐԵՎՇԱՏՅԱՆ
