Մեկնաբանելով Վրաստանի խորհրդարանական ընտրություններում ընդդիմության հաղթանակը՝ քաղաքական գործիչ Դավիթ Շահնազարյանը Aravot.am-ի հետ զրույցում կարծիք հայտնեց, որ այսօր Վրաստանը «կարեւորագույն պատմական քննություն հանձնեց»: Ըստ պարոն Շահնազարյանի . «Դա առաջին հերթին նշանակում է, որ Վրաստանում կշարունակվեն բարեփոխումները, այդ թվում՝ նաեւ ժողովրդավարական բարեփոխումները: Լուրջ հնարավորություն է ստեղծվում Վրաստանի համար՝ հաստատել անշրջելի ժողովրդավարություն: Ընդդիմությունը ընտրությունների միջոցով եկավ իշխանության: Վրաստանի նոր սահմանադրությամբ, ամենաբարձր պաշտոնը վարչապետի պաշտոնն է, որին խորհրդարանն է նշանակում: Դա չափազանց կարեւոր է տարածաշրջանի համար, դա, ցավոք սրտի, առաջին դեպքն էր տարածաշրջանի 3 պետությունների նորանկախ պատմության մեջ, երբ իշխանությունը փոխվում է ընտրությունների միջոցով: Եվ սա ամենակարեւորն է»:
Հայաստանում առաջիկայում հնարավոր համարո՞ւմ է նման փոփոխություն, պարոն Շահնազարյանն ասաց. «Տարոսը մեզ բոլորիս: Որ նման ժողովրդավարական ձեւով իշխանություն է նաեւ ձեւավորվելու Հայաստանում, մենք ուղղակի դրան դատապարտված ենք, ե՞րբ դա կլինի` այլ հարց է: Դատելով այսօրվա գործընթացներից, կարծում եմ՝ Հայաստանին շատ լուրջ փորձություններ ու ցնցումներ է սպասվում մոտ ապագայում»:
Ինչ վերաբերում է վրացական ընդդիմության հաղթանակում Ռուսաստանի դերակատարությանը, ապա Դավիթ Շահնազարյանն այն կարծիքին էր, որ
Կարդացեք նաև
Վրաստանի հասարակությունը այդ անշրջելիության կետը վաղուց հաղթահարել է:
Լուսինե ԲՈՒԴԱՂՅԱՆ
