Այսօր հրապարակվել է անվտանգության տեսախցիկով նկարահանված մի նյութ, որում երևում է՝ Դիրաբեքիրի դպրոցներից մեկի ուսուցիչը կռվում է պայթուցիկներով բեռնված գրոհայինի հետ, որպեսզի կանխի նրա մուտքը դպրոցի միջանցք: Հաղորդում է «Հյուրիեթ դեյլի նյուզ» թերթը:
«Ի՞նչ ես անում, դու կսպանես երեխաներին», – տեսանյութի մեջ լսվում է ուսուցիչ Շուքրու Կիկիզադեի բղավոցը, որը նաև դպրոցի փոխտնօրենն է: «Թող ինձ: Ես երկուսիս էլ կսպանեմ», – ասում է գրոհայինը: Քիչ անց այլ ուսուցիչներ էլ են միանում Կիկիզադեին և թույլ չեն տալիս, որ գրոհայիններն ավելի մեծ վնաս հասցնեն:
Երկու ուսուցիչ և երեք աշակերտ վիրավորվել են երեկ Դիարբեքիրի մի քանի դպրոցների վրա հարձակումից, որոնք հավանաբար կազմակերպել են քրդական աշխատավորական կուսակցության անդամները: Գրում է թերթը:
Կարդացեք նաև
Պատրաստեց Հովհաննես ԻՇԽԱՆՅԱՆԸ