«Եկեղեցու եւ ԿԳ նախարարության համագործակցության վերաբերյալ քննադատություններին հանգիստ եմ վերաբերվում: Կարծում եմ` ցաք ու ցրիվ, եզակի քննադատություններին, որոնց հիմնական նպատակն է` հերթական «իրավապաշտպան-բարեգործական» հիմնադրամից ստանալ ինչ-որ գումար եւ հերթական հերյուրանքը գրել եկեղեցու եւ ԿԳ նախարարության մասին, պետք է հանգիստ վերաբերվել: Դա իրենց աշխատանքն է, գուցե` աշխատաշուկայում այլ տեղ չեն գտել աշխատելու եւ այդ փոքրիկ, ոչ այնքան պատվաբեր, բայց այդուհանդերձ` գոյություն ունեցող տեղն են զբաղեցրել որպես աշխատուժ, որը համապատասխան նպատակներից ելնելով` պետք է անիմաստ, անհիմն, անհարկի քննադատության փորձի ենթարկել եկեղեցու եւ նախարարության համագործակցությունը»,-Aravot.am-ի հետ զրույցում ասաց ՀՀ ԿԳ նախարար Արմեն Աշոտյանը:
Նախարարի խոսքով. «Այդ քննադատությունը փակելու լավագույն ճանապարհը Հայաստանի Հանրապետության Սահմանադրությունն է եւ ՀՀ օրենքը` Առաքելական Սուրբ եկեղեցու հետ համագործակցության մասին: Եթե օրենքը վերընթերցեին եւ հարցին լուրջ մոտենային, ապա հենց իրենք վաղուց թեման փակված կհամարեին»:
Կարդացեք նաև
Լուիզա ՍՈՒՔԻԱՍՅԱՆ
