Անցած գիշեր Ստամբուլի Բեյողլու թաղամասում հարձակվել են հայտնի դիզայներ Բարբարոս Շանսալի վրա: Գրում է «Հյուրիեթ դեյլի նյուզ»-ը` հղում անելով` «Սի էն էն Թուրք» հեռուստակայանին:
Դեպքից անմիջապես հետո իր արյունլվա դեմքը պատկերող նկարները Շանսալը հրապարակել է Թվիթերում:
«Ինձ վրա հարձակվել և սպառնացել են քաղաքական դրդապատճառներով ժամը 04:50-ին, Տաքսիմ Հայափաշայում: Անուղեղներ, ձեր վրա սա թանկ կնստի: Նրանք ասացին, որ իմ կյանքով պետք է վճարեմ իմ գրվածքների և հայտարարությունների համար: Ես ընդամենը մեկն եմ, բայց ի՞նչ կասեն միլիոնավորները», – գրել է նա նկարի տակ:
Մի քանի շաբաթ առաջ «Սուզջու» թերթին տված հարցազրույցում Շանսալը պաշտպանել էր գեյերին և նրանց իրավունքները: Նույն հարցազրույցում նա նաև ասել էր, որ 1980թ. հեղաշրջման ժամանակ իրեն խոշտանգել ու բռնաբարել են ոստիկանությունում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
