Մարդու իրավունքների եվրոպական դատարանի փաստաբան Ռուբեն Այվազյանը (լուսանկարում), որն առաջադրվել է ՀՀ նախագահի թեկնածու, սակայն դեռևս կենտրոնական ընտրական հանձնաժողով չի ներկայացրել ընտրագրավի մուծման անդորրագիրը, ՇԱՆԹԻՆ փոխանցեց. «Ես սահմանված ժամկետներում դիմելու եմ վարչական և Սահմանադրական դատարաններ, քանի որ 35 000 000 ՀՀ դրամ արժողությամբ իմ սեփական շարժական և անշարժ գույքը՝ Խ. Հարությունյանի եղբոր միջնորդությամբ և դատարանի որոշմամբ, դրվել է արգելանքի տակ»:
«Քաշաթաղ» հասարակական կազմակերպության նախագահ Ռոբերտ Սիմոնյանը, որն առաջադրվել է ՀՀ նախագահի թեկնածու, սակայն դեռևս կենտրոնական ընտրական հանձնաժողով չի ներկայացրել ընտրագրավի մուծման անդորրագիրը, ՇԱՆԹԻՆ փոխանցեց, որ հակասահմանադրական և միջազգային նորմերի կոպիտ խախտում է համարում Ընտրական օրենսգրքի՝ ընտրագրավի մասին հոդվածը, և երբ ԿԸՀ-ն կորոշի ընտրագրավի մուծման անդորրագիրը ներկայացնելու համար 48 ժամ ժամանակ տալ իրեն, ինքը հարցը կվիճարկի ՀՀ Սահմանադրական դատարանում և միջազգային ատյաններում:
