Այս մասին Aravot.am-ի հետ զրույցում հայտնեց Վարդան Ղուկասյանի դստեր փեսացու մայրը` Անահիտ Իսկանդարյանը: Հիշեցնենք, որ անցած տարվա ապրլի 12-ին `Գյումրու նախկին քաղաքապետի դստեր ու Կարեն Եսայանի (լուսանկարում) նշանադրության օրը դաժանաբար սպանել էին փեսացուին, որն ԱՄՆ-ից մի քանի օր առաջ էր եկել` իր համադասարանցու հետ ընտանիք կազմելու նպատակով:
«Իմ որդուն սպանողը 100 տոկոսով Անիի ոստիկանապետի որդին է, կասկած չունեմ, դահիճ, տականք Հարությունն է: Նա սկսել էր հետապնդել իմ որդուն այն օրվանից, երբ իմացել էր, որ Կարենը նշանվելու է Վարդան Ղուկասյանի դստեր հետ: Այս դեպքից հետո եմ հիշում, որ նա ամեն օր կանգնում էր Գյումրու կենտրոնում գտնվող հագուստի իմ խանութի դիմաց իր «Նեո 555» համարանիշի մեքենայով, որպեսզի ուսումնասիրի զոհին: Նա այդ ընթացքում միայն Կարենին չի հետևել, հետևել է նաև Մանյային: Գնացել ու կանգնել է դպրոցի դուռը, այնտեղ մթերային խանութ կա, իր մեքենան այդտեղ է կանգեցրել, բայց չի կարողացել Մանյային մոտենալ, այսինքն նրա համար մեկ էր, թե ո՞վ կդառնա իր զոհը, այդքան որ նենգ ու նախանձ է, կատարելագործված քիլլեր, ով կարողացել է աչքից կրակել Կարենին: Ինչպե՞ս կարող էր էդպես հոշոտել իմ գանձին, իմ կյանքին»,- զարմանում է Անահիտ Իսկանդարյանը` ենթադրելով, որ ոստիկանապետի որդին միայնակ չի սպանել իր որդուն, այլ մարդիկ է բերել իր հետ:
Թե ինչո՞ւ է այսպես համոզված խոսում Կարեն Եսայանի մայրը և ի՞նչը կարող էր դրդել 29-ամյա անհատ ձեռներեց Հարություն Սարգսյանին մարդասպանության, այս մասին Անահիտ Իսկանդարյանի պարզաբանումները ընթերցեք վաղվա տպագիր «Առավոտում»:
Նունե ԱՐԵՎՇԱՏՅԱՆ
