ՀՀ նախագահի թեկնածու Անդրիաս Ղուկասյանի ֆեյսբուքյան էջում տեղադրվել են Վարուժան Գաբրելյանի լուսանկարները, թե անցած օրերին ովքեր են այցելել հացադուլ հայտարարած ՀՀ նախագահի թեկնածուին: Նրան այցելել է մասնավորապես ՀՅԴ բյուրոյի ներկայացուցիչ Հրանտ Մարգարյանը, «Ժառանգություն» կուսակցության առաջնորդ, ՀՀ նախագահի թեկնածու Րաֆֆի Հովհաննիսյանը: Ուշագրավ է, որ ՀՀ նախագահի թեկնածու, էպոսագետ ներկայացող Վարդան Սեդրակյանը Անդրիաս Ղուկասյանին էր այցելել ընտրագրավը չմուծելու պատճառով ընտրարշավից դուրս մնացած, սակայն ՀՀ նախագահի թեկնածու դառնալու հայտ ներկայացրած Մարտիկ Սարգսյանի հետ: Իսկ ՀՀ նախագահի թեկնածու Պարույր Հայրիկյանն այցելել էր Շանթ Հարությունյանի հետ:
