Հայ համայնքի հարյուրավոր անդամներ ուրբաթ օրը «Չարթեր Քոմյունիքեյշընս» հեռահաղորդակցության ընկերության գրասենյակի մոտ բողոքի ցույցի էին դուրս եկել՝ փետրվարի 19-ից հայկական «Հորիզոն» հեռուստաալիքի հեռարձակումները կասեցնելու կամայական որոշման դեմ: Գրում է «Ասպարեզ» թերթը:
Ավելի վաղ «Հորիզոն»-ի ղեկավարությանը «Չարթեր Քոմյունիքեյշընս»-ից տեղեկացրել էին, որ փետրվարի 19-ից «Չարթեր»-ը կդադարի հեռարձակել Հորիզոն հեռուստաալիքը, որը երկու տասնամյակ է, ինչ ծառայություններ է մատուցում հայ համայնքի համար, չնայած, որ «Հորիզոն»-ը պայմանագիր է ստորագրել 2013թ. համար:
«Սա Դավիթ և Գողիաթի պատմությունն է», – ասել է հայկական ԶԼՄ-ների ցանցի տնօրենների խորհրդի նախագահ Ավետիք Իզմիրլյանը: Ըստ նրա, «Չարթեր Քոմյունիքեյշընս»-ը, որը ԱՄՆ-ում հեռահաղորդակցության 4-րդ ամենամեծ ընկերությունն է, ուզում է խեղդել «Հորիզոն» հեռուստակայանին:
Փետրվարի ութին նախատեսվում է մեծածավալ բողոքի ցույց:
Կարդացեք նաև
Պատրաստեց Հովհաննես ԻՇԽԱՆՅԱՆԸ
