«Թող պարոն Հայրիկյանը վերջնականապես կողմնորոշվի իր վարկածների մեջ՝ ռուսական իմպերիալի՞զմն էր, թե՞ սուլթանական Թուրքիան: Երբ վերջնականապես կկողմնորոշվի ու կոնկրետ վարկածի վրա կանգ կառնի, ես հարկ կհամարեմ, ինչ-որ բան մեկնաբանել»,- Aravot.am-ի հետ զրույցում ասաց ԱԺ ԲՀԿ խմբակցության քարտուղար Նաիրա Զոհրաբյանը:
Մենք նրանից հետաքրքրվել էինք՝ այս ընտրություններում չառաջադրված քաղաքական ուժերին ի՞նչ կտար ընտրությունների հետաձգումը եւ իրատեսակա՞ն համարում է Հայրիկյանի առաջ քաշած վարկածը, թե մահափորձը ռուսական իմպերիալիզմին էր պետք:
Տիկին Զոհրաբյանը անհեթեթություն որակեց պարոն Հայրիկյանի դիտարկումը չառաջադրված քաղաքական ուժերի վերաբերյալ. «Ինչ-որ հիմա ասվում է, կատարյալ անհեթեթություն է, չեմ ցանկանում վիրավորել պարոն Հայրիկյանին, նրան շուտափույթ առողջություն եմ մաղթում, բայց կրկնում եմ՝ թող նա վերջնականապես կողմնորոշվի իր վարկածների մեջ»:
Հիշեցնենք, որ պարոն Հայրիկյանը շաբաթ օրը լրագրողների հետ զրույցում բացի այն, որ իմպերիալիստական Ռուսաստանին էր ակնարկել իր մահափորձը կազմակերպելու հարցում, նա նաեւ ասել էր. «Եթե անգամ ինձ խփեին էլ, ոչինչ չէր փոխվելու, փոխվելու էր միայն ընտրությունների ժամանակահատվածը, որը պետք է ինչ-որ ուժերի, որոնք հետին հաշվարկով տեսան, որ իրենք սխալվել են, չեն առաջադրվել»:
Կարդացեք նաև
Արփինե ՍԻՄՈՆՅԱՆ
Նաիրա Զոհրաբյան, Հեղինե Բիշարյան, Հրանուշ Հակոբյան-էլ ո՞րն ասեմ: Արա, դե սիՌում եմ, էլի, սիՌում եմ: