Այս պահին Րաֆֆի Հովհաննիսյանն իր քարոզարշավը շարունակում է Աշտարակում: Մինչ այդ նա Քասախ գյուղում մի քանի հանդիպումներ ունեցավ, բարեւեց անցորդներին,այցելեց գյուղապետարան:
Ուշագրավ էր գյուղապետ Արամ Մկրտչյանի հետ հանդիպումը: Րաֆֆի Հովհաննիսյանը երաշխիք ուզեց, որ լինելու է ազատ, արդար ընտրություն: Գյուղապետն էլ, բնականաբար, վստահեցրեց, որ այդպես էլ լինելու է:
Սակայն «Ժառանգության» առաջնորդը նկատել էր գյուղապետարանի նամակների փոստարկղում դրված Սերժ Սարգսյանի «Ապահով Հայաստանի» բուկլետները:
Գյուղապետի աշխատասենյակում ավելի «հետաքրքիր» դետալներ կային: Գյուղապետն իր կողքին հայոց եռագույնը ծածկել էր ապահով Հայաստանի շարֆով՝ վզկապը բարձր դասելով եռագույնից:
Կարդացեք նաև
Մեր այդ դիտարկմանը ի պատասխան գյուղապետը արդարացավ, թե «բերել եմ՝ ձեռիս տակ լինի, լավ վզնոց ա»: Նա վստահեցրեց, որ աշխատում է ՀՀԿ-ի օգտին, քանի որ Հանրապետական է:
Մեր հարցին, թե քանի՞ տոկոս ձայն եք պարտավորվել ապահովել Քասախում, հրահանգ չի՞ իջեցվել, Արամ Մկրտչյանը պատասխանեց, որ ՏԻՄ ընտրություններին էլ նման հրահանգներ չեն լինում:
Հռիփսիմե ՋԵԲԵՋՅԱՆ
Այս փաստը արդէն բաւական է, որպէսզի Սերժ Սարգսեանի ընտրութիւնը ճանաչուի ոչ իրաւական։ Մենք լեգիտիմ չենք ճանաչելու Սերժ ՍարգսեանիՆ իբրեւ նախագահ…