«Ժառանգություն» կուսակցության նախընտրական շտաբը ընտրացուցակներում 600 կրկնվող անուն է բացահայտել: Այսօր «Ժառանգության» մամուլի խոսնակ Հովսեփ Խուրշուդյանը դժգոհեց, որ
իրենց առաջարկը՝ քվեարկությանը մասնակցած ընտրողների ցուցակները տրամադրելու վերաբերյալ, մերժում են տրամադրել. «Այսկերպ քաղաքացիները կկարողանային վերահսկել, որ երկրից բացակայածները չկարողանան քվեարկել: Իշխանությունները հետեւողականորեն մերժեցին: Նախորդ Ընտրական օրենսգրքում կար հնարավորություն, որոշ դեպքերում դա բացահայտել, տնօրինել այդ տեղեկությունները: Այժմ քաղվածք են թողել տեղում վերցնելու հնարավորություն: Կա լուրջ խնդիր եւ իշխանությունները ընտրակեղծիքներն օգտագործելու համար են անում»:
Պարոն Խուրշուդյանի խոսքերով, այս ընտրություններում իրենց վստահված անձինք ընտրակեղծիքները բացառելու համար ոչ միայն հետեւելու են անձի եւ եւ անձնագրի համապատասխանությանը, այլեւ ստուգելու են անձնագրային տվյալների համապատասխանությունը ընտրացուցակների տվյալ տողերի հետ:
Ոստիկանության անձնագրային և վիզաների վարչության պետ Հովհաննես Քոչարյանն էլ ասաց, որ Խուրշուդյանի ներկայացրածից քարացավ զարմանքից. «Ընտրական օրենսգրքով արգելված է քվեարկած ընտրողների ցուցակի հրապարակումը ու քանի դեռ նման խնդիրը օրենսդրական լուծում չի ստացել, նման բան պահանջելը լուրջ չէ»:
Կարդացեք նաև
Արփինե ՍԻՄՈՆՅԱՆ
