Քաղաքապետը պաշտոնի է նշանակել Գյումրու նախկին ոստիկանապետին, ում 4 տարի առաջ պաշտոնազրկեցին մարդ ծեծելու ու լրագրողի աշխատանքը խոչընդոտելու պատճառով
Գյումրու նորանշանակ քաղաքապետ Սամվել Բալասանյանը քաղաքապետարանի համատիրությունների և մոնիտորինգի նորաստեղծ բաժնի պետ է նշանակել Գյումրու նախկին ոստիկանապետ Շիրակ Շահնազարյանին:
Այս փաստը ուշագրավ է նրանով, որ պարոն Շահնազարյանը` որպես ոստիկանապետ, անչափ բեղուն ու հետաքրքիր անցյալ է ունեցել: Նրա դեմ պարբերաբար քրեական գործեր են հարուցվել , ու նա պարբերաբար պաշտոնազրկվել է: Նշենք, որ նրան վերջին անգամ ոստիկանության համակարգից հեռացրեցին 2009 թվականին` Գյումրու քաղաքացիներից մեկին` Գրիգոր Վարպետյանին, ժամանակավոր պահպանման խուց գցելու, շուրջ 7 ժամ ապօրինի պահելու ու ռետինե մահակով մի լավ ծեծելու համար: Վարպետյանի որդին երթեկության կանոնների խախտում էր կատարել ու փախուստի դիմել: Նրան ոստիկանություն էին հրավիրել, սակայն որդու փոխարեն ներկայացել էր հայրը` հետաքրքրվելով, թե ինչո ՞ւ են տղային ոստիկանություն կանչում: Ոստիկանապետն էլ իր առանձնասենյակում հորը մի լավ դաս էր տվել` հայհոյելով, ձեռքով, ոտքով հարվածելով:
Կարդացեք նաև
Այդ դեպքի կապակցությամբ Շիրակ Շահնազարյանի դեմ քրեական գործ հարուցվեց Քր. օրենսգրքի 309-րդ հոդվածի 2-րդ մասով, այն է` պաշտոնեական լիազորություններն անցնելը: Այն, իհարկե, հետագայում կարճվեց :
Այդ նույն ժամանակահատվածում հատուկ քննչական ծառայությունում քննվեց նաև ոստիկանապետի դեմ ուղղված մեկ այլ բողոք, որը գլխավոր դատախազ Աղվան Հովսեփյանին հասցեագրել էր Գյումրու ժուռնալիստների «Ասպարեզ» ակումբի նախագահ Լևոն Բարսեղյանը: Նա պահանջում էր քրեական գործ հարուցել լրագրողի մասնագիտական օրինական գործունեությունը խոչընդոտելու համար: Ոստիկանապետը իրեն իրավունք էր վերապահել Շիրակի մարզպետարանի շենքի դիմաց խոչընդոտել «Շանթ» հեռուստաընկերության աշխատանքները` տարածքից կոպիտ ձևով դուրս հրավիրելով լրագրողին ու օպերատորին ու թույլ չտալով նկարահանել առևտրականների բողոքի ակցիան: Այս երկու փաստերը առիթ դարձան, որպեսզի Գյումրու ոստիկանապետին զրկեն պաշտոնից: Նշենք, որ մինչ այդ էլ Շիրակ Շահնազարյանի դեմ այլ քրեական գործեր են հարուցվել: Նա մեղադրվել է ՌԴ քաղաքացիություն ունեցող իր որդու համար ՀՀ կեղծ անձնագիր հանելու մեջ (որոշ տեղեկություններով՝ 3 անձնագիր. մեկը` հայրենի Կոթի գյուղի, մեկը՝ Շիրակի մարզի Ախուրյան գյուղի, մյուսն էլ՝ Գյումրի քաղաքի գրանցումով): Այնպես որ Սամվել Բալասանյանի կողմից նոր պաշտոնի նշանակված պաշտոնյայի մասին բավականին հարուստ նյութեր կան համացանցում:
Նունե ԱՐԵՎՇԱՏՅԱՆ
Էդ ճիշտ ա , որ Մկրտչյան Աշոտին էլ բերել է գործի:Այս ամենն այլևս ծիծաղելի էլ չէ:
Ճիշտ են ասում էլի գյումրեցիք.Ոստիկանության Գյումրու քաղաքապետարանի բաժին, պետն էլ՝Բալասանյանն է:
Բալասանյանին ու Արման Սահակյանին պատրադրելով գյումրեցոնց ու շիրակցոնց, նախագահն հարգանքի իրա տեղը փոքրցրեց գյումրեցոնց մեջ: Ըդիկ ըբը ընտրություններ էին: Շունը շապիկ էր հագել, կատուն վարդիկ: Բալասանյանին մենք կճանչնանք անտենա բաժնելով , ուրիշ պիտու բանմ էրած կա?Էն Վարդանիկը ջիգյարով հավեսով մարդը կաշխատեր, մոտը մտնեիր տղավարի հարցերդ կլուծեր, կօգներ:Քիչմ շրջապատն էր վատը, բայց այ օղուլ, էդ ում շրջապատն է լավն օր? Տո վերևից վար ոչ թե շրջապատերն է վատը, տո իրանք են վատը:Չիդեմ, ես հըլը քանիմ ժամ ունիմ մտածելու ընտրության էրտլու համար, տեսնիմ կերթամ, թե չէ:Վայտե չերտամ, հըլը տեսնիմ սծիլյագների խիարը կրնա թարս բուսնի, հեչ չեմ տեսել թարս բուսնած խիար: