«Սա քաղաքական հետապնդում չէ»,- այսօր «Պոստ սկրիպտում» ակումբում ասաց ՀՀ նախագահի թեկնածու Պարույր Հայրիկյանի մահափորձը կազմակերպելու մեջ մեղադրվող Վարդան Սեդրակյանի փաստաբան Ալեքսանդր Սիրունյանը:
«Եթե պիտի պատժեն նրան, ապա պատժելու այլ ձեւեր կան, ոչ թե այն հոդվածը, որով մեղադրվում է Սեդրակյանը»,- վստահեցնում է Սիրունյանը:
«Ես պարոն Սեդրակյանի հետ խոսելիս էլ, ասել եմ, ախր շատ անտրամաբանական է, կես տոկոսի հավակնորդը մի տոկոսին խփում ա, որ ի՞նչ լինի, որ մեկ ու կես տոկոս հավաքի…»,- ասում է Սիրունյանը:
Սեդրակյանի գործով ապացույցներ չկան, վստահեցնում է փաստաբանը` «իսկ այն, ինչ էլ որ ցույց են տալիս, դրանք ապացույցներ չեն»:
Կարդացեք նաև
Վարդան Սեդրակյանը ընկճված չէ, հայտնեց նրա պաշտպանը, իսկ այս գործի հետ կապված, ասում է` «Փորձանք է»:
«Ձերբակալվածները Վարդան Սեդրակյանի դեմ ցուցմունք չեն տվել»,- հայտնեց Ալեքսանդր Սիրունյանը, ավելացնելով` «թե ինչ են արել Հայրիկյանի հետ, այդ մասին ոչինչ չգիտեմ, բայց ցուցմունք չի եղել»:
Եվա ՀԱԿՈԲՅԱՆ
