Ըստ նրա, այս գործում համբերություն է պետք:
Այսօր «Ժառանգություն» կուսակցության գլխավոր քարտուղար Ստյոպա Սաֆարյանը Րաֆֆի Հովհաննիսյանի հրավիրած հավաքում ասաց, որ երբ քննադատում ենք Րաֆֆի Հովհաննիսյանին, քննադատում ենք մեզ, եթե պահանջում ենք Րաֆֆի Հովհաննիսյանից, պահանջում ենք մեզնից, եթե ասում ենք, որ Րաֆֆի Հովհաննիսյանը ձախողեց, ասում ենք՝ ժողովուրդը ձախողվեց: Բայց, ըստ նրա, նման բան չի եղել, ժողովուրդը չի ձախողվել. «Քայլեր պետք է կատարենք բոլորս, յուրաքանչյուրս, մեկ մարդը չի կարող իրավիճակ բերել: Նա նաև նշեց, որ փետրվարի 18-ին ժողովուրդը մերժել է քրեաօլիգարխիկ ռեժիմը: Դրա հիմքերը սասանվել են բոլորի քվեարկությամբ, բոլորի որոշմամբ, և չպետք է թույլ տալ, որ մենք փոշմանենք մեր որոշումից կամ թույլ տանք, որ մեզնից վերցնեն մեր որոշումը: Իսկ քրեաօլիգարխիկ համակարգը փորձում է վերցնել այն, ինչ նվաճել էր ժողովուրդը»: Նա վստահեցրեց, որ պայքարը բերելու է հաղթանակի:
«Ժառանգության» պատգամավոր Զարուհի Փոստանջյանն էլ իր խոսքում նշեց, որ խոսք կա, թե երկաթը պետք է տաք-տաք ծեծել, բայց այն չի առնչվում նոր Հայաստանի այս շարժման հետ, քանի որ պետք է զինվել մեծ համբերությամբ. «Երբ մենք ձեռք բերեցինք անկախություն, մեզ հենց դա էր պակասում, մեզ թվում էր, թե կարող ենք ու պետք է արագ-արագ, շուտ-շուտ ամեն ինչ ստեղծենք: Դա չէր կարող լինել ապրիլի 9-ին, որը պահանջվում էր ոմանց կողմից: Մեր խնդիրը չէր գրոհել Բաղրամյան 26-ը, դա ոչինչ չէր տալու: Մենք այդ օրը անցանք Բաղրամյան 26-ի մոտով, ապացուցեցինք, որ դա կարող ենք անել առանց արյան»:
Կարդացեք նաև
Նա նաեւ ասաց, որ իրենք ունեն արդեն բանակ, ունեն այն առաջնորդը, որը պատրաստ է տանել ժողովրդին հաղթանակի:
Զարուհի Փոստանջյանը նաեւ ասաց, որ այս պահին ունենք կեղծ պաշտոնյաներ, որոնց «չենք ճանաչում». «Իրենց ճանաչում են ինչ-որ պետության ներկայացուցիչներ, որոնք դեռ «Նոր Հայաստան» պետության դաշնակիցները չեն: Մենք պետք է այնպես անենք, որ նրանք դառնան այդ Հայաստանի դաշնակիցները, որտեղ ՀՀ քաղաքացիները վերադառնում են: Ես այդ Հայաստանի քաղաքացի եմ»:
Հռիփսիմե ՋԵԲԵՋՅԱՆ
Մենք ասում ենք պարտիա, հասկանում ենք Լենին….. բա հետո