ԲՀԿ-ի՝ Երեւանի ավագանու ցուցակը գլխավորող, ՀՀ նախկին արտգործնախարարՎարդան Օսկանյանի պատասխանները Aravot.am-ի հարցերին
-Պարոն Օսկանյան, ԱՄՆ պետդեպի հրապարակած զեկույցում բավականին կոշտ գնահատականներ եւ դիտարկումներ կան ՀՀ-ի վերաբերյալ, ինչ կասեք:
-Ես կարծում եմ, իշխանությունները պետք է դրան լուրջ ուշադրություն դարձնեն:
– Նաեւ ԵԽԽՎ բանաձեւի նախագծում են ներառվել, այսպես ասած, ոչ հայանպաստ դիտարկումներ. դա զուգադիպությո՞ւն է, թե՞ պատահականություն, որ երկու հեղինակավոր կառույցները միաժամանակ ու ոչ դրական են անդրադառնում Հայաստանին:
Կարդացեք նաև
-Զուգադիպությունը ո՞րն է, իրականության արտացոլումն է: Իշխանությունները պետք է շատ լուրջ ուշադրություն դարձնեն դրան:
– ԱՄՆ պետդեպի զեկույցում նաեւ ԼՂՀ խնդրրի վերաբերյալ բավականին կոշտ գնահատականներ կան, կարծես, տեսակետի փոփոխություն է նկատվում:
– Այո, դա շատ… ես կարծում եմ, որ իշխանությունները դրան անպայման պետք է արձագանքեն:
– Հավանական համարո՞ւմ եք, որ առկա ստատուս-քվոն խախտվի, հնարավո՞ր է պատերազմական գործողությունների վերսկսումը:
-Չեմ ուզում նման բաներ մտածել, բայց այդ ձեւակերպմանը, ես կարծում եմ, իշխանությունները պետք է շատ արագ հակադարձեն եւ ադեկվատ պատասխան տան: Ես կարծում եմ, որ անպայման պետք է պատասխան լինի:
-Որպես նախկին արտգործնախարար, ձեր կարծիքով, ի՞նչ պետք է պատասխանի իշխանությունը:
– Իշխանությունը ճիշտ եւ ադեկվատ պատասխանը պետք է գտնի: Դա իրենց գործն է:
Նելլի ԳՐԻԳՈՐՅԱՆ
Հ. Գ. Լրագրողներից մեկն էլ ԲՀԿ ավագանու ցուցակը գլխավորող Վարդան Օսկանյանից հետաքրքրվեց` ի՞նչ նկատի ուներ ֆեյսբուքյան էջի իր գրառումով: Հիշեցնենք, որ պարոն Օսկանյանը գրել էր, որ ԲՀԿ-ն պետք է հայտարարի իր` ընդդիմություն դառնալու մասին եւ ավելի կոշտ գործի: «Դուք կարդացել եք իմ գրածը, այնտեղ ամեն ինչ գրված է»,- ասաց Օսկանյանը:
Ղարաբաղցին, որ Ղարաբաղը չկործանի, Ղարաբաղին հաղթող չի լինի: